Ao abeiro do proxeco APS da Facultade de Ciencias da Educación da USC
A Orquestra da Universidade ofrecerá o domingo 19 de decembro o seu Concerto de Nadal. Baixo o título 'Música para un novo mundo. Aprendendo da man dos futuros docentes', o recital comezará ás 18.30 horas na Igrexa da Universidade e a entrada é libre previa reserva.
Ese mesmo día haberá tamén un ensaio aberto ao público ás 12.30 horas para o que será preciso reservar praza.
Só será posible asistir a unha das sesións, polo que cómpre enviar a solicitude de reserva canto antes a través da ligazón que figura baixo este texto. O prazo de inscrición estará aberto dende o luns 13 de decembro ata o venres 17 de decembro ás 17 horas e confirmarase a dispoñibilidade de praza a través de correo electrónico.