Con Xoel Agustín López Méndez (clarinete)
O IV Ciclo de Novos Talentos Musicais programa o luns, 21 de febreiro, un novo recital no que o clarinetista Xoel Agustín López Méndez interpretará o Concerto para clarinete e orquestra en LA Maior, KV 622 de Wolfgang Amadeus Mozart e as Pezas de Fantasía op. 43 para clarinete e piano de Niels Gade. Estará acompañado ao piano por Brais González Pérez.
O concerto arrancará ás 20.30 horas no Paraninfo da Universidade e a entrada é balde previo rexistro na ligazón inferior. As persoas interesadas en asistir poderán reservar a súa praza dende unha semana antes do evento ata o propio día da súa celebración.
O IV Ciclo Novos Talentos Musicais é promovido pola Vicerreitoría de Igualdade, Cultura e Servizos da USC el colaboración coa Asociación Compostela Sound.