Con Rebeca Blanco Rotea e Carlos Caetano
O venres 25 de febreiro, de 11-13.30 horas, na aula 18 da Facultade de Xeografía e Historia, celebraranse dúas sesións do ciclo dos Seminarios Internacionais 'As defensas da Monarquía', coordinadas polos profesores Camilo Fernández Cortizo e Domingo L. González Lopo, GIHM (USC).
En primeiro lugar, ás 11.00 horas, intervirá a doutora Rebeca Blanco Rotea, Lab2PT, Universidade do Minho (Portugal), que impartirá a conferencia titulada 'A fortificación da fronteira do río Miño na Idade Moderna. Entre a teoría, a arquitectura e a paisaxe'. Posteriormente, ás 12 horas, o doutor Carlos Caetano, CEPESE & CHAM (Portugal), impartirá o relatorio 'As fortificações marítimas de Lisboa na Época da Restauração de 1640'.
Estas actividades, que tamén se poden seguir en directo por Microsoft TEAMS, están abertas á participación de toda a comunidade universitaria.