A catedrática de Química Analítica da Universidade de Granada e presidenta da Sociedade Española de Cromatografía e Técnicas Afíns participa no ciclo de conferencias que conmemoran o centenario dos estudos en Química da USC
Baixo o título 'Química Analítica e Seguridade Alimentaria: un binomio imprescindible', o seu relatorio terá lugar o mércores 14 de setembro ás 13.00 horas na Aula 2.14 da Facultade.
A entrada é libre ata completar a capacidade da sala.
Ana García Campaña
Catedrática de Química Analítica pola Universidade de Granada, Ana García Campaña é responsable do grupo de investigación "Calidade en Química Analítica Alimentaria, Ambiental e Clínica" (FQM-302). Ten participado en contratos con empresas como Puleva Biotech S.A., Herba Rice Mills, Alhóndiga La Unión, DMC Research Center, S.L e DOMCA S.A.
A súa traxectoria conta con numerosas colaboracións internacionais con grupos de diversas universidades, como a Universidade Charles (República Checa), Universidade de Gante (Bélxica), Universidade de Mendoza (Arxentina) ou a Universidade Aalen (Alemaña). Ten participado tamén en diferentes comités científicos e organizadores na escala internacional, como o comité organizador do Latin-American Symposium on Biotechnology, Biomedical, Biopharmaceutical and Industrial Applications of Capillary Electrophoresis and Microchip Technology (LACE 2004), ou o comité científico das Xornadas de Análise Instrumental e do XVI Latin-American Congress on Chromatography (2016), 26th International Symposium on Electroseparation and Liquid Phase- Separation Techniques (ITP 2019) e no 36th International Symposium on Microscale Separations and Bioanalysis (MSB 2020).
En 2020 e 2021, foi incluída no Ránking or the World Scientists entre 2% dos mellores científicos da contorna interancional. O seu índice H é de 45.