03.18.2022 | 13.00h
MAOS Innovación Social, cooperativa de traballo asociado sen fins lucrativos, ofrecerá unha conferencia sobre o seu proxecto 'A memoria das mulleres', co que contribúen ao coñecemento e difusión da historia das mulleres do concello de Pontevedra
MAOS Innovación Social é unha cooperativa de traballo asociado sen fins lucrativos creada en 2014. Desenvolve o seu labor no ámbito cultural, fundamentalmente nos campos da Etnografía, a Xestión Cultural e a Comunicación. Entre os múltiples proxectos que activaron destaca 'A memoria das mulleres', realizado para o Concello de Pontevedra.
Esta conferencia impártese no marco da materia 'Cultura escrita e oralidade: investigación, recuperación, xestión' do Máster en Servizos Culturais, promovida pola profesora Ana Cabana Iglesia, e tamén dentro do programa para a celebración do 8M da Facultade de Humanidades e poderase seguir en liña.