Entrada libre ata completar a capacidade da sala
A violinista Mariana Moita e a pianista Lara Martínez conforman o Adhara Duo, unha formación que toma prestado o seu nome dunha das estrelas máis luminosas da constelación Canis Majoris e que busca render homenaxe a compositoras brillantes que ficaron invisibilizadas ao longo dos séculos. O martes 5 de abril, ás 20.30 horas, este dúo galego-portugués ofrece un concerto de balde no Paraninfo da Universidade.
Da mesma maneira que o escritor Stefan Zweig, no seu recoñecido libro Momentos estelares da humanidade, narra momentos que marcaron o rumbo da historia, algúns aparentemente instranscendentes e esquecidos, o Adhara Duo pon o foco sobre algunhas composicións que constitúen auténticas xoias musicais e merecen ser descubertas polo público.
O programa que levan ao Paraninfo inclúe as Romanzas para violín e piano, op. 22, de Louise Dumont-Farrenc; a Sonata para violín e piano, de Clara Wiek-Schumann; e a Sonata nº 2, op. 39, de Alicia de Larrocha.
A asistencia ao concerto é libre ata completar a capacidade da sala.