A sesión, que se inclúe no ciclo 'Destacando na Ciencia 2022', promovido polo IV Ciclo da USC, será este venres, a partir das 12.00 horas, no auditorio da Casa do Saber de Lugo
Lugo, mércores 13 de outubro de 2021. O cardiólogo e xefe do Servizo de Cardioloxía do Hospital Universitario Lucus Agusti (HULA), Carlos González Juanatey ofrecerá este venres 1 de abril, a partir das 12.00 horas, no auditorio da Casa do Saber de Lugo, unha charla sobre a investigación cardiovascular que se desenvolve no complexo hospitalario lugués.
A intervención do doutor González Juanatey encádrase no ciclo ‘Destacando na ciencia 2022’, promovido desde o IV Ciclo da USC co obxecto de achegar o labor de I+D que se desenvolve na USC ao público sénior. Este programa de relatorios terá continuidade na capital luguesa a comezos de maio, cun relatorio sobre o exilio republicano e a transición á democracia, a cargo de Ramón Villares Paz.