Salón de Graos
A charla impartida polo CEO de CAI Sistemas informáticos, Manuel Martínez Álvarez, desenvolverase o mércores 20 de abril, a partir das 12.00 horas, no Salón de Grao do centro universitario lugués
O CEO de CAI Sistemas Informáticos, unha compañía de software propio que desenvolve aplicacións de xestión empresarial, Manuel Martínez Álvarez, ofrecerá este mércores 20 de abril, a partir das 12.00 horas, no Salón de Graos do centro universitario lugués, a charla ‘Tecnoloxía, innovación e empresa’.
A sesión, dirixida fundamentalmente ao alumnado, aínda que aberta ao público interesado, encádrase no programa de actividades promovido desde a Facultade de Administración e Dirección de Empresas do Campus de Lugo da USC para achegar a realidade profesional e do mercado laboral ao alumnado do centro, a través de testemuños de empresarios.