As persoas participantes no simposio 'Os sons da pedra. O ronsel do Mestre Mateo' terán acceso preferente ao concerto pero o acceso abrirase ao público ata completar as localidades dispoñibles.
O simposio Os sons da pedra. O ronsel do Mestre Mateo ten como fío condutor a reconstrución dos instrumentos que o Mestre Mateo esculpiu no Pórtico da Gloria e as derivacións de xéneros e xeográficas que nos deixou o seu ronsel.
O sábado, día 30 de abril, Begoña Olavide ofrecerá ao seu abeiro un recital ás 13.00 horas no Paraninfo da Facultade de Xeografía e Historia da USC. A artista conta cun amplo percorrido musical, dende a música medieval ata a actualidade. Inspírase en Cantigas de Alfonso X, o Códice Calixtino, o Romanceiro Antigo español, e en kharxas e cancións da tradición de Al-Ándalus para pasar polo tempo a través de instrumentos que formaron parte da nosa cultura musical e que foron recuperados para volveren soar.
As persoas participantes no simposio terán acceso preferente ao concerto pero o acceso abrirase ao público ata completar as localidades dispoñibles.
Os sons da pedra: simposio e exposición
O simposio Os sons da pedra que, do 28 ao 30 de abril reunirá en Compostela a numerosos artesáns e luthieres que participaron no proxecto de reconstrución dos instrumentos do Pórtico desenvolvido a partir de 1989 baixo a dirección de José López Calo e Carlos Villanueva. Co mecenado da Fundación Barrié, esta iniciativa de recuperación do patrimonio cultural permitiu a construción de 19 réplicas instrumentais que puideron escoitarse no Pórtico da Gloria. Posteriormente, a iniciativa estendeuse á reprodución de instrumentos do Pazo de Xelmírez de Lugo e da catedral de Ourense.
Esta iniciativa compleméntanse cunha exposición homónima que poderá visitarse do 29 de abril ao 28 de maio no Salón do Artesonado do Pazo de Fonseca.
