O vicerreitor de Organización Académica e Campus de Lugo, Francisco Fraga López, dará apertura ao acto académico
A Escola Universitaria de Relacións Laborais de Lugo acollerá o acto de graduación da duodécima promoción do Grao en Relacións Laborais e Recursos Humanos da USC.
O evento terá lugar o día 9 de xuño de 2022 a partir das 19.00 horas e contará coa presenza Francisco Fraga López, vicerreitor de Organización Académica e do Campus de Lugo, quen será o encargado de presidir a cerimonia. Tras a súa intervención terá lugar unha lección maxistral a cargo de Mercedes Cobo Carrasco, profesora da E.U. de Relacións Laborais de Lugo e madriña da promoción.
A entrega de diplomas e a imposición de insignias a graduadas e graduados dará paso ao discurso de Nerea Iglesias Somoza e Alba Pernas Cagigal en representación do alumnado.
O cerimonia incluirá o recoñecemento da Fundación Campus Universitario de Lugo e do Ilustre Colexio Oficial de Graduados Sociais de Lugo,ao mellor expediente da anterior promoción (XI Promoción) de Graduados en Relacións Laborais e Recursos Humanos que distingue a alumna Eva López Martínez.
O acto contará tamén coas intervencións de Mercedes Montes Rodríguez, directora da E.U. Relacións Laborais de Lugo; José Luis Piñón Calvo, vicepresidente do Ilustre Colexio Oficial de Graduados Sociais de Lugo; José María Arias Fernández, deputado da Área de Cooperación e Asistencia aos Concellos da Deputación Provincial de Lugo; e Jaime López Vázquez, presidente da Fundación Campus Universitario de Lugo.