O vicerreitor de Transformación Dixital e Innovación, Gumersindo Feijoo Costa, será o encargado de abrir o acto académico
O Salón de Actos da Facultade de Medicina e Odontoloxía acollerá o sábado 2 de xullo a cerimonia de graduación da promoción 2018-2022 do Grao en Odontoloxía.
O acto comezará ás 17.00 horas e contará coa presenza de Gumersindo Feijoo Costa, o vicerreitor de Transformación Dixital e Innovación da USC, que dará a apertura ao evento e dará paso ao resto de persoas intervenientes. En primeiro lugar, César Barreiro García e Lucía Meléndez Cora en ofrecerán un discurso en representación do alumnado. Seguiranlles, Claudio Bernabé Fernández, en nome do padriño e das madriñas da promoción; e Ángel Luis Fernández González, director do Departamento de Cirurxía e Especialidades Médico-Cirúrxicas da USC. Intervirán tamén Adriana Sanz Marchena, presidenta do Consello Galego de Odontólogos e Estomatólogos; Mª Jesús Mora Bermúdez, vicedecana de Odontoloxía; e Julián Álvarez Escudero, decano da Facultade de Medicina e Odontoloxía.
O acto incluirá a lectura do Xuramento Hipocrático por parte do alumnado.