Fondo pesar na USC polo pasamento do técnico especialista de investigación Javier José López Rodríguez
Desenvolveu o seu labor en diferentes unidades da Área de Infraestruturas de Investigación e estivo tamén moitos anos vinculado á Facultade de Farmacia
A Universidade de Santiago de Compostela manifesta o seu fondo pesar polo pasamento do técnico especialista de investigación Javier José López Rodríguez.
Ao longo da súa traxectoria na USC, formou parte de diferentes unidades da Área de Infraestruturas de Investigación, como a Unidade de IR-Raman ou a Unidade de Magnetosusceptibilidade e Crioxenia, e estivo tamén moitos anos vinculado á Facultade de Farmacia.
A USC únese á dor da familia e amizades pola perda desta figura fondamente querida pola comunidade universitaria e expresa o seu agradecemento polo traballo e esforzo que desenvolveu no seo da institución.