A CEO da SA de Xestión do Xacobeo ofrece este mércores a lección inaugural do curso na Facultade de Administración e Dirección de Empresas
A CEO da Sociedade Anónima de Xestión do Xacobeo, Cecilia Pereira Marimón, ofrecerá o mércores 14, a partir das 11.30 horas, na Aula Magna da Facultade de Administración e Dirección de Empresas do Campus de Lugo, a conferencia inaugural do novo curso académico, unha intervención que se desenvolverá baixo o título ‘O Camiño de Santiago e o Xacobeo 21-22’.
O decano da Facultade de ADE da USC, Roberto Bande Ramudo, presentará e acompañará a relatora convidada durante a súa intervención, no marco dun acto dirixido ao novo alumnado matriculado no centro universitario lugués, pero aberto á participación de todo o público interesado.