Sala de Xuntas
A profesora da Universidade de Tras os Montes e Alto Douro (UTAD) ofrece esta semana dous relatorios no centro universitario lugués ao abeiro do programa Iacobus
A investigadora lusa da Universidade de Tras os Montes e Alto Douro Anabela Afonso Fernandes Silva aborda esta semana na Escola Politécnica Superior de Enxeñaría do Campus Terra da USC a relación entre o estado hídrico das oliveiras e a posterior calidade do aceite, a través de dous relatorios promovidos ao abeiro do programa Iacobus, cuxo obxectivo pasa por fomentar a colaboración e o intercambio entre os recursos humanos das universidades.
A primeira das charlas que ofrecerá a profesora Fernandes Silva desenvolverase este martes, a partir das 18.00 horas, na Sala de Xuntas da EPS de Enxeñaría, baixo o título ‘Avaliación do estado hídrico das oliveiras por imaxes espectrais’. Esta investigadora, convidada polo grupo de investigación Proxectos e Planificación (PROePLA) da USC, impartirá outro relatorio no mesmo escenario o xoves 22, no marco do que relacionará a eficiencia do uso de auga na oliveira e a calidade do aceite en función de estratexias de rega diferentes.