Unha obra de Dolores Cotelo Guerra e Ana Romero Masiá
O proximo 9 de novembro presentarase na Facultade de Ciencias da Educación o libro Mulleres Imprescindibles. Educadoras na vangarda do século XX, unha obra de Dolores Cotelo Guerra, profesora de Historia da Educación da USC, e Ana Romero Masiá, historiadora e integrante da RAG, editado por Kalandraka e prologado por Antón Costa Rico.
O acto de presentación, a cargo de Lucía Iglesias da Cunha, contará coa intervención das autoras e do prologuista, da secretaria de comunicación da Editorial Kalandraka, Paz Castro, e da profesora de Didáctica da Lingua e da Literatura da USC, Montserrat Pena Presas. Na xornada, haberá dous actos de presentación: un ás 12.30 horas na sede da Facultade de Ciencias da Educación no Campus Sur e outro ás 16.00 horas, na sede do Campus Norte.