O programa A Ponte entre o Ensino Medio e a USC achega aos estudantes de ensino medio a súa oferta docente e de servizos a través destes encontros
A Universidade ofrece ao estudantado de ensino medio a oportunidade de visitar os centros formativos dos Campus de Lugo e Santiago para coñecer de primeira man os estudos e actividades que neles se organizan. A iniciativa ‘Encontros na zona USC’ programa novas visitas ao Lugo o 7 de febreiro e o 30 de marzo de 2023 diferentes percorridos por áreas de especialización ou titulacións.
Ao longo destes tres días estudantes procedentes de centros de ensino medio de toda Galicia poderán acceder a aulas, laboratorios e bibliotecas da Universidade. A mocidade preuniversitaria puido seleccionar, de acordo coas súas inquedanzas formativas, os centros que desexaban coñecer de primeira man. Nestas visitas, ademais de profesorado, participan alumnado titor dos distintos centros universitarios, que será o encargado de dirixir a visita polo campus e trasladarlle ao estudantado as súas vivencias na USC.
A totalidade de percorridos ofertados para cada campus está dispoñible na web do programa.