A USC obtén dous ouros, nove pratas e doce bronces no Campionato Galego Universitario de Natación
A Piscina do Complexo Polideportivo ‘Javier Gómez Noya’ de Ferrol foi o escenario desta competición na que participaron preto dun cento de deportistas das tres universidades públicas galegas
Santiago de Compostela
Martín Benavides Otero e Marta O´Dowd Fidalgo obtiveron cadansúa medalla de ouro no Campionato Galego Universitario de Natación representando á USC. Benavides Otero impúxose na categoría de 100m Bolboreta Masculino cun resultado de 1:01:06, quedando empatado con M.F. Ruibal Caballero da UVigo. Pola súa parte, O´Dowd Fidalgo rexistrou un resultado de 1:03:46 na modalidade de 100m libre feminino.
Ademais deste ouro, a institución compostelá rexistrou nove medallas de prata e unha ducia de medallas de bronce. A Piscina do Complexo Polideportivo ‘Javier Gómez Noya’ de Ferrol foi o escenario desta competición na que participaron preto dun cento de deportistas das tres universidades públicas galegas.