Sala de Xuntas
José María Miranda Boto e Yolanda Maneiro Vázquez dirixen este seminario de asistencia libre previa inscrición
A Sala de Xuntas da Facultade de Dereito acollerá o 28 de marzo o seminario 'O Dereito do Traballo en tempos de cambio', un encontro dirixido por José María Miranda Boto e Yolanda Maneiro Vázquez. Dúas sesións de conversa ao longo da mañá afondarán nas mudanzas da área ante os cambios sociais e tecnolóxicos da man de especialistas no Dereito do Traballo e da Seguridade Social de diferentes universidades da contorna estatal.
A decana da Facultade de Dereito, Ana Gude Fernádez, participará canda ao profesor Miranda Boto na inauguración do seminario ás 09.00 horas.
Xusto despois, a profesora Yolanda Maneiro moderará a primeira delas que, baixo o título 'O tempora o mores' contará coas intervencións de Luis Enrique Nores Torres, da Universidade de Valencia; Ángeles Ceinos Suárez, da Universidade de Oviedo; e Remedios Menéndez Clavo, da Universidade de Alcalá.
Finalmente, a sesión 'Deus et machina', moderada pola profesora da USC e secretaria do seminario Lidia Gil Otero, reunirá os relatorios de Beatriz Rodríguez Sanz de Galdeano, da Universidade Pública de Navarra, e Daniel Pérez del Prado, da Universidade Carlos III de Madrid.
A participación no seminario é libre previa inscrición no enderezo lidia.gil.otero [at] usc.gal (lidia[dot]gil[dot]otero[at]usc[dot]gal)