Salón de Actos
A acción formativa coordinada pola profesora Lina Iglesias e dirixida a personal das Escolas Infantiles Municipais e o personal do Servizo de Educación do Concello de Lugo, comeza este xoves, ás 17.30 horas, no centro universitario lugués
A Facultade de Formación do Profesorado do Campus de Lugo da USC amplía a capacitación dos educadores infantís, a través do curso ‘Pensando os espazos na escoa infantil 0-3 anos’, un programa coordinado pola profesora Lina Iglesias, creadora e responsable do Laboratorio de Educación Infantil da Facultade de Formación do Profesorado, e orientado a todo o personal das escolas infantís municipais e o personal do Servizo de Educación do Concello de Lugo.
O vicedecano da Facultade de Formación do Profesorado da USC, Santiago López, e o concelleiro do Concello de Lugo Felipe Rivas Jorge, inaugurarán este xoves, a partir das 17.30 horas, este seminario formativo de carácter teórico e práctico no salón de actos da Facultade de Formación do Profesorado. As sesións formativas, nas que se combinan breves presentacións teóricas e de reflexión con sesións de experimentación práctica no Laboratorio de Educación Infantil, onde o alumnado participante poderá experimentar directamente co novos materias e deseñar propostas educativas, continuarán o xoves en quenda de tarde, de 18.00 a 21.00 horas, e o sábado, en quenda de mañá, de 9.30 a 13.30 horas.