Casa do Saber
A sesión, incluída na programación do Outono Cultural da USC, desenvolverase o 15 de decembro, de 16.00 a 20.00 horas, na Casa do Saber. A matrícula permanece aberta a través do enderezo cultura.lugo@usc.es ou na oficina de Cultura do Campus de Lugo
Os obradorios de procesos creativos promovidos na sede universitaria luguesa ao abeiro do Espazo de Fotografía da USC no marco da programación incluída no Outono Cultural, continúan este venres 15 de decembro cunha nova sesión a cargo de Adra Pallón.
A inscrición nestes obradoiros creativos de fotografía, que se desenvolven en quenda de tarde, de 16.00 a 20.00 horas, na Casa do Saber, permanece aberta na Oficina da Área de Cultura do Campus de Lugo e pode formalizarse tamén a través do enderezo de correo electrónico cultura.lugo [at] usc.es (cultura[dot]lugo[at]usc[dot]es). A matrícula en cada unha das sesións programadas custa 15 euros para a comunidade universitaria e 20, para o resto do público interesado.