Nova Nerdnite

O Centro Galego de Arte Contemporánea acolle este martes 14 unha nova sesión das NerdNites coas que colabora a Universidade de Santiago.

Nesta ocasión, a partir das 21.30 horas intervirán a especialista en conduta animal María Sabell Sierra coa charla ‘Por que o home atopou ao can?’, a profesora de Socioloxía da Universidade de Vigo Águeda Gómez Suárez con ‘Gramática sexual do putero español’, e o profesor de ciencias da computación da USC Pablo García Tahoces con ‘Sobre radiólogos e máquinas. A ameaza do "deep learning"’.