Escola de Democracia. O proceso cara á Constitución Española de 1978

O Claustro Alto do Colexio de Fonseca acolle dende o mércores 15 de novembro a exposición 'Escola de Democracia. O proceso cara á Constitución Española de 1978'. A súa inauguración está prevista para as 19.00 horas, presidida pola vicerreitora de Estudantes e Cultura, Pilar Murias Fernández, e coa participación do responsable de Actividades Culturais da Fundación Pablo Iglesias, Óscar Martín, e do comisario da exposición, Emilio Grandío Seoane.

A mostra poderá verse ata o 28 de xaneiro de 2024, en horario de luns a venres, de 11.00 a 14.00 e de 17.00 a 20.30 horas.

A esencia da democracia

O 45º aniversario da Constitución Española que se cumpre en 2023 xera preguntas sobre a Carta Magna. De xeito constante se producen referencias á mesma, ben na crítica ao seu estatismo, ben nos avisos de perigo sobre as máis mínimas posibilidades de reforma do seu articulado. "Unha sociedade en cambio como a daqueles anos setenta demandaba un réxime que permitira transitar cara á democracia, mais a cultura democrática había que construíla. Definir modos e valores para que o diálogo, o debate, en definitiva, a esencia da democracia, chegara en primeiro lugar a dita sociedade, e posteriormente, se consolidara no tempo", apuntan dende a organización.

A definición final da Constitución de 1978 procede dun debate interno nunhas Cortes parlamentarias nunca definidas como 'Constituíntes', pero tamén dun proceso máis prolongado no tempo no que a dictadura e oposición confluían para verificar "a única saída razoable naquel contexto".

A auténtica clave na súa definición foi "a interiorización nunha gran maioría social da necesidade de buscar futuros de maneira común. A esencia da democracia", explican.

Os fondos utilizados nesta exposición, procedentes da Fundación Pablo Iglesias e da colección privada de Miguel Gutiérrez, "mostran a tortuosa senda para conseguir definir a Carta Magna, incluíndo os camiños sen explorar".