I Torneo Quantum Chess

Este mércores 21 de febreiro a partir das 16.30 horas terá lugar o I Torneo Quantum Chess na Facultade de Física, no que participarán estudantes de centros públicos de ensino secundario de Santiago de Compostela.

Cada equipo estará formado por catro estudantes de cada centro. A firma Fujitsu, como patrocinadora do evento, achega un portátil LIFEBOOK U7413 para agasallar o centro vencedor. O torneo está promovido polo Centro de Supercomputación de Galicia (CESGA), o Instituto Galego de Física de Altas Enerxías (IGFAE) e a USC.