Campionato Galego Universitario de Natación 2024

Este xoves 29 de febreiro desenvólvese o Campionato Galego Universitario de Natación 2024 na Piscina Universitaria compostelá. A partir das 10.00 horas terá lugar a chegada de delegacións, acreditacións e quecemento de deportistas e ás 11.30 comezarán as probas, que rematarán ás 13.00 horas, tras o cal se entregarán as medallas e trofeos.

Está prevista a participación no Campionato de 79 deportistas: 44 mulleres e 35 homes. A distribución por universidades é a seguinte: USC, 30 participantes (16 mulleres e 14 homes); UDC, 22 participantes (12 mulleres e 10 homes) e UVigo, 27 participantes (16 mulleres e 11 homes).