Toma de posesión de Ana María Gude Fernández como decana da Facultade de Dereito

Este venres 5 de abril a partir das 13.00 horas desenvólvese na Facultade de Dereito o acto de toma de posesión da decana Ana María Gude Fernández, que será presidido polo reitor da USC Antonio López e ao que tamén asistirá a secretaria xeral da USC Dulce María García Mella.

Abrirá o acto o reitor e a continuación a secretaria xeral da USC lerá o nomeamento da decana da Facultade de Dereito. Deseguido, Ana María Gude Fernández tomará posesión e terá lugar a súa intervención. Clausurarase o acto co discurso do reitor.