05.02.2024 | 17.15h
Con motivo da concesión do doutoramento 'honoris causa' a Francesco Tonucci e no marco da celebración dos 50 anos dos estudos de Pedagoxía en Galicia, a Facultade de Ciencias da Educación inaugura este xoves 2 de maio ás 17.15 horas a exposición 'Educando en Dereitos desde a cidade. Os dereitos das nenas e dos nenos' na que participa o homenaxeado, e que foi cedida polo Concello de Ferrol.
A continuación Francesco Tonucci impartirá a conferencia 'Cos ollos de Frato. Conversa coloquio con Francesco Tonucci' de forma presencial no salón de actos do edificio da Facultade do Campus Sur. Poderase seguir desde o salón de actos da Facultade de Formación de Profesorado do Campus de Lugo de forma virtual.