Ás 17.00 horas no Auditorio do Edificio Fontán da Cidade da Cultura
A XII promoción do grao en Enfermaría celebrará este xoves 6 a súa graduación nun acto que se desenvolverá ás 17.00 horas no Auditorio do Edificio Fontán da Cidade da Cultura presidido pola secretaria xeral da USC, Dulce María García Mella.
Intervirán na cerimonia a directora de Enfermería da Área Sanitaria de Santiago de Compostela e Barbanza, Isabel Campos Pardo, así como Andrea Hermida Currás, Ana Blanco Lago e Luis Enrique Boquete Uzcanga en representación do alumnado. A eles seguiralle a madriña da promoción, Mª Jesús Núñez Iglesias.
Logo dunha actuación musical da Asociación Cultural ‘A Mámoa’ de Luou participarán cunhas palabras o director xeral de Asistencia Sanitaria do Servizo Galego de Saúde, Alfredo José Silva Tojo, a decana da Facultade de Enfermería, Raquel Rodríguez González, e o secretario académico da Facultade, Manuel Gandoy Crego, que fará o chamamento para a entrega de diplomas. As alumnas Alicia Quiñones Gómez e Laura Santos Tejo serán as encargadas de presentar un vídeo conmemorativo.