Salón de Graos do CIQUS
O programa ÍCARUS é unha iniciativa da AVTE da USC que ten o obxectivo de estimular nos estudantes da universidade unha reflexión sobre a aplicación social e económica do coñecemento contido nos seus traballos de fin de grao (TFG), máster (TFM) e teses de doutoramento.
O programa ÍCARUS é unha iniciativa da AVTE que ten o obxectivo de estimular nos estudantes da universidade unha reflexión sobre a aplicación social e económica do coñecemento contido nos seus traballos de fin de grao (TFG), máster (TFM) e teses de doutoramento.
Promovido pola AVTE, o programa ICARUS premia a aplicación social e económica dos resultados dos traballos fin de grao (TFG), de mestrado (TFM) e teses de doutoramento. Diríxese a toda a comunidade universitaria dos campus de Santiago de Compostela e Lugo e inclúe todas as áreas de coñecemento. O certame valora a viabilidade técnica, comercial e económico-financeira, así como o grao de innovación no caso específico das teses de doutoramento e a introdución dos Obxectivos de Desenvolvemento Sostible (ODS) en todos os traballos.
O acto de entrega dos Premios Icarus desenvolverase o mércores 10 de xullo ás 11.00 horas no Salón de Graos do Centro Singular de Investigación en Química Biolóxica e Materiais Moleculares (CIQUS). Na mesa presidencial estarán o delegado do reitor para a Transferencia do Coñecemento, Luis Alberto Otero González; a directora xeral de Traballo Autónomo e Economía Social da Xunta de Galicia, Marta Mariño Regueiro; o secretario xeral de Universidades, José Alberto Díez de Castro; o director de Investimentos de Unirisco, Pablo Mosquera Martínez; e o director da Escola de Doutoramento Internacional da USC, Universidade de Santiago de Compostela. Será o director da Área de Valorización, Transferencia e Emprendemento da USC, José Luis Villaverde Acuña, quen presente o programa Icarus e os proxectos finalistas.
De concederse todos, o programa repartirá un total de 20.000 euros, distribuídos en 20 premios. Na modalidade de tese de doutoramento, por cada área de coñecemento darase un primeiro premio de 1.300 euros e un segundo de 850, existindo a posibilidade dun accésit de 250€. Pola súa banda, na categoría de TFG e TFM os premios serán de 1.100 ou 650 euros (1º e 2º, respectivamente), podendo haber tamén un accésit.