Ciclo de cine filosófico: proxección de 'Raíña Cristina'

O Cineclube Mazarelos da Facultade de Filosofía retoma o Ciclo de Cinema Filosófico este mércores 25 de setembro cunha nova proxección ás 18.00 horas no Salón de Actos do centro. Nesta ocasión vaise proxectar o filme Queen Christina [Raíña Cristina] (1933), do director armenio-estadounidense Rouben Mamoulian, que se poderá ver en versión orixinal subtitulada.

Esta é unha actividade do proxecto Cultura en Mazarelos da Facultade de Filosofía, a cal conta cunha axuda da Vicerreitoría de Estudantes e Cultura da USC e cun recoñecemento de dous créditos ECTS para todo o alumnado da universidade. A entrada é de balde ata completar a capacidade do espazo.