10.17.2024 | 09.20h
O 17 de outubro celebrarase en Santiago o V Encontro Galego da Mocidade Investigadora en Ciencias Farmacéuticas, organizado pola Comisión de Normalización Lingüística da Facultade de Farmacia en colaboración con Regeifar.
Trátase dunha xornada de divulgación científica orientada a que a mocidade que comeza as súas investigacións en ciencias farmacéuticas difunda e poña en común o seu traballo, ao tempo que se promove o uso do galego nestas actividades.