O seminario 'Outro cinema español. Un balance aberto dende a creación e a investigación' desenvólvese o xoves 3 de outubro desde as 9.30 horas no Salón de Actos da Facultade de Filosofía e o venres 4 de outubro tamén desde as 9.30 horas na aula 10 da Facultade de Xeografía e Historia.
O primeiro relatorio do xoves corre a cargo da catedrática emérita da USC Margarita Ledo, quen falará sobre 'No interior do labirinto: o corpo como documento'. Na mesma xornada tamén intervirán Beatriz Navas, Jara Yáñez, Anxo Abuín e Óscar Cornago.
O venres presentarán relatorios Fabrice Corrons, José Manuel Sande, Beli Martínez e Laura Ferrés e rematará o seminario cunha mesa redonda de cineastas: Xisela Franco, Álvaro Gago, Sonia Méndez e Alberte Pagán.
A asistencia é libre ata completar a capacidade dos espazos e o estudantado da USC poderá solicitar unha certificación de asistencia por 10 horas.