Asignación Directores/as de tese

O Regulamento de Estudos de Doutoramento da USC, en consonancia co establecido no RD 99/2011, establece os requisitos de experiencia investigadora necesarios para asumir a dirección dunha tese de doutoramento. Por iso, a USC ten habilitado un rexistro para dar de alta ás persoas que poden dirixir teses.

Este proceso de alta contempla dúas modalidades:

1. Mediante a acreditación dun sexenio ou méritos equiparables, o que permite a dirección dunha tese en solitario ou a codirección de teses na USC.
2. Mediante a acreditación dun dos méritos recollidos no artigo 26.5 do Regulamento de Estudos de Doutoramento da USC. Isto permite asumir a dirección de teses dun doutorando/a que xa ten outra persoa directora cun sexenio ou méritos equiparables.

A asignación de persoas directoras de teses a cada doutorando/a é competencia da CAPD, polo que no caso de ser necesaria unha alta no rexistro de posibles persoas directoras é a CAPD quen debe realizar a solicitude á EDIUS mediante o modelo dispoñible.

Así mesmo, hai outros dous supostos nos que é necesario que a CAPD realice unha solicitude á EDIUS previa á asignación dunha persoa como directora de tese. Estes supostos son:

1. Para nomear unha terceira persoa directora. 
2. Para a incorporación dunha persoa directora a un doutorando/a que leva máis de 36 meses nos casos de dedicación a tempo completo ou de 63 meses se a súa dedicación é a tempo parcial. 

Nos seguintes apartados veñen recollidos os formularios que é necesario que a CAPD presente á Escola dependendo de cada casuística.

Non é necesario tramitar ninguhna solicte á EDIUS para a substitución dunha persoa directora de tese con independencia do tempo transcorrido por parte do doutorando/a cando esta persoa xa está dada de alta no rexistro de directores.