Primeiro andar
No marco das actividades realizadas con motivo do 50 aniversario da creación da Facultade de Filoloxía e dos 25 anos da morte de José Ángel Valente e da creación da Cátedra de Poesía e Estética que leva o seu nome na USC, a Facultade acolle no primeiro andar a exposición Iconografía artística de José Ángel Valente.
Precisamente, para coñecer con detalle esta mostra, o director da Cátedra, Claudio Rodríguez Fer, ofrecerá este venres 14 ás 18.30 horas unha visita guiada á que lle seguirá (ás 19.00)a presentación do libro Dragón, de José Manuel Bouzas, artista, profesor e ensaísta que foi amigo do poeta e que investigou moi a fondo as conexións do escritor ourensán co mundo das artes nos seus contextos. O autor manterá ao remate un coloquio co público asistente.
