Proxección do filme 'El cochecito'

O mércores 9 de abril, ás 19.30 horas, proxectarase no Salón de Actos da Casa do Saber o filme 'El cochecito' de Marco Ferreri (1959, 88mns, España, VOE), producido por Pere Portabella: "Un vello, para non ser menos que un amigo paralítico, quere que a familia lle merque unha cadeira de rodas eléctrica. Para conseguila non vacilará con nada". Obtivo en 1960 o premio FIPRES no Festival de Venecia e 5 premios Sant Jordi 1960, incluídos o da Mellor película española e Mellor actor español (José Isbert).

Esta actividade está incluída na programación da Primavera Cultural e desenvólvese segundo o convenio asinado pola Xunta de Galicia e a Federación de Cineclubes de Galicia.

A entrada é de balde para a comunidade universitaria.