Michael L. Kent, da Oregon State University, impartirá na Facultade de Veterinaria da USC o seminario titulado 'Zebrafish: Pseudocapillaria Model for Antihelminthic Drug Discovery' o 16 de maio, ás 12.00 horas. Este seminario está especialmente dirixido a persoal investigador nas áreas de biomedicina, parasitoloxía, modelos animais e desenvolvemento farmacolóxico, así como a toda persoa interesada nas aplicacións biomédicas do peixe cebra. As persoas que non poidan asistir de xeito presencial, poden seguir o seminario a través de Teams.
Especialista de referencia internacional na patoloxía do peixe cebra (Danio rerio) e no uso deste modelo animal no estudo de enfermidades infecciosas e parasitarias, Kent desenvolveu interesantes traballos sobre o uso do peixe cebra para o estudo de enfermidades parasitarias como Pseudocapillaria tomentosa, destacando a súa aplicabilidade na investigación de novos tratamentos antihelmínticos.