Participantes de Argos, Yuzz e de Situm participan no encontro de emprendemento de Universia

Un grupo de emprendedores dos campus de Santiago e Lugo participou no encontro entre o mundo universitario e o emprendemento celebrado este martes en Vigo no marco da Xunta Xeral de Accionistas de Universia España celebrado en Vigo. Asistiron os máximos representantes de todas as universidades españolas, preto dun cento de empresarios así como 230 emprendedores e universitarios novos. A comitiva da USC estaba integrada por participantes dos programas de emprendemento Argos e Yuzz así como da spin-off Situm.

O encontro centrouse en catro eixos temáticos relacionados co emprendemento: o medo ao fracaso, a necesidade de adaptación aos cambios, a creatividade no camiño da idea ao produto e o financiamento. Os participantes tamén tiveron reservado un espazo para o intercambio de experiencias entre novos emprendedores con outros xa consolidados, entre os que se atopaban Anxo Pérez (8Belts), Verónica Pascual (Asti), Álvaro Mancilla (Workkola), Pilar Manchón (fundadora de Indisys) ou Adrián Canedo de Situm, compartindo intervencións co reitor da Complutense, Carlos Andradas, e a presidenta de Banco Santander e de Universia, Ana Botín.

Adrián Canedo é o primeiro pola esquerda.