O principio de igualdade de xénero forma parte do credo normativo das universidades españolas dende fai mais dunha década. Pese a esta realidade, a formación neste tópico nos graos das Ciencias da Educación en España, é moi escasa a pesar da elevada conciencia respecto á inclusión do xénero no currículo revelada polo noso estudantado . Así as cousas, a formación en materia de igualdade de xénero das e dos futuras/os docentes presuponse condición necesaria na construción dunha sociedade máis xusta menos sexista. Apostar por unha formación baseada na perspectiva de xénero nas aulas de infantil e primaria é, en consecuencia, unha condición necesaria para xerar un verdadeiro cambio social.
Obxectivos:
1. Analizar a realidade educativa e o currículo escolar desde unha perspectiva crítica, reflexiva e de xénero.
2. Comprender a perspectiva de xénero e o seu substrato conceptual, no marco da intervención pedagóxica e científica feminista, tendo en consideración a cronoloxía da desigualdade.
3. Reflexionar sobre o impacto da desigualdade - alimentada polo sexismo e os estereotipos de xénero- na educación, mentres que se desenvolve unha mirada docente e investigadora de xénero e estimúlanse estratexias pedagóxicas feministas no estudantado.
4. Identificar e visibilizar as situacións de discriminación e desigualdade en materia de xénero, desde a perspectiva do pensamento pedagóxico feminista.
5. Incorporar a perspectiva de xénero nas aulas de infantil e primaria desde a perspectiva do pensamento pedagóxico feminista.
Competencias:
T2.1 Procesar información, ideas e conceptos.
T3.2 Adoptar un enfoque proactivo.
T6.3 exercer dereitos e responsabilidades.
T6.6 Estudos de xénero.
S1.12 Crear materiais artísticos, visuais ou docentes.
Datas e horario:
7, 14 e 21 de outubro de 2025, de 16:00 a 21:00 h.
Lugar: Facultade de Ciencias da Educación. Edificio Norte. Aula 22
Número de horas: 15 horas
Prazas: 25
Preinscrición: do 28 de xullo ao 19 de setembro de 2025
1. Menú da esquerda: Admisión. Seleccionar: Estudos Propios.
2. Aparecen os cursos de Formación Específica e Microcredenciais. Seleccionar o de interese.
3. Continuar o proceso segundo as indicacións.
4. IMPORTANTE: o curso é gratuito, non se ten que realizar ningún tipo de pago por ningún concepto.
Matrícula: do 20 ao 30 de setembro de 2025
- Na páxina principal no apartado de matrícula da columna esquerda, débese marcar a opción Matrícula
- Na seguinte pantalla, marcar a OPCION 8 (alumnado que desexa facer a matrícula en estudos propios)
- A continuación, aparecerá o curso no que está admitido e deberá seguir os pasos que lle indica a aplicación ata terminar o proceso da matrícula. Lembre que o curso é gratuíto, polo que non debe facer ningún pagamento; aínda que apareza a opción, poderá continuar co proceso sen realizar ningún pago.