Café con Julio Arca no Consello Social

A Asociación de antigos alumnos e amigos Alumni USC retomou este mércores na súa sede na Casa da Concha a iniciativa ‘Café con…’ cun coloquio no que distintos profesionais poñen os seus coñecementos ao servizo do alumnado da USC.

Nesta ocasión o convidado foi Julio Arca Ruibal, licenciado en Ciencias Económicas e Empresariais pola USC, PMD por Esade, Executive MBA por Icade e Master en Organización Xurídica, Económica e Social do medioambiente pola EOI. Actualmente traballa como director de Planificación Estratéxica e Financiamento na empresa Genesal Energy.