A USC organiza a sexta proba do Circuito de Running Universitario

A USC organiza a sexta proba do calendario do Circuito de Running Universitario que patrocina ElCorteinglés, co apoio de RedKampus e a colaboración do Concello de Santiago. A proba percorrerá Compostela o 27 de novembro a partir das 11.00 horas ao longo de 10 quilómetros con saída e chegada nas pistas de Atletismo de Campus Vida, nun percorrido deseñado especificamente polo Servizo de Deportes que unirá Campus Vida e Campus Norte.

Esta é unha competición dirixida á comunidade universitaria pero aberta tamén ao resto de persoas interesadas en participar. Así están previstas categorías de estudantes, persoal docente e investigador e de administración e servizos, unha clasificación por facultades e outra de carácter popular. O prezo da inscrición é de cinco euros, dos que 1€ se destinará a proxectos promovidos por Cruz Vermella.

As persoas interesadas poden inscribirse ata este xoves a través da web http://www.dorsalesdeportes.elcorteingles.es/?c=eventos&i=75 ou ata o sábado 26 nas instalacións de ElCorteInglés.

Esquema do percorrido da proba