Segunda Semana de Danza Latina na USC

Do 6 ao 8 de xuño terá lugar en Santiago a segunda Semana de Danza Latina, na que participarán os estudantes dos cursos de bailes latinos da USC e á que está convidado todo o público interesado.

O Espazo de Danza da USC propón así para esta semana unha serie de actividades na Praza de Rodríguez Cadarso, no Campus Vida, que se desenvolverán de 19:00 a 21:00 horas e que contemplan, entre outras, demostracións de danza dos ritmos impartidos polo profesor Miguel David Herrrera durante o curso, como son bachata, merengue, salsa, conga e roda cubana.