A comunidade universitaria pode solicitar a partir do luns unha das bicicletas do programa de préstamo

A Oficina de Desenvolvemento Sostible da USC abre este luns 19 o prazo do programa de préstamo de bicicletas, dirixido a todos os membros da comunidade universitaria tanto de Santiago como de Lugo. As solicitudes poderán formalizarse ata as 14.00 horas do próximo 23 de setembro.

As persoas interesadas terán que cumprimentar un formulario que atoparán na web do programa. A selección realizarase por estrita orde de presentación das solicitudes e publicarase o día 27 na mesma web, na que tamén se dará a coñecer a lista de agarda e o data de recollida das bicicletas.