Comezou o curso deportivo da USC 2016-2017

O Servizo de Deportes da Universidade de Santiago abriu hoxe xoves o novo curso 2016-2017. Como novidade, para participar en calquera das actividades previstas é necesario rexistrarse gratuitamente e de maneira indefinida como usuario/a de deportes da USC.

Nestes momentos está aberta a inscrición para a a escola de natación de setembro, para as distintas seccións do Club USC e para varios programas de atletismo. Así mesmo, as persoas que desexen practicar libremente algún deporte nas instalacións universitarias poden tamén adquirir xa os seus bonos ou entradas.

O Servizo de Deportes irá informando en próximas datas dos distintos prazos de inscrición para o resto de actividades.