Última Nerd Nite do ano, este martes
A letra Times, as bases neurolóxicas da risa e a banda deseñada galega
A orixe da letra Times New Roman, as bases neurolóxicas da risa e do humor e a banda deseñada galega serán os temas que tres especialistas explicarán, sempre dende unha perspectiva amena e desenfadada, este martes 20 na última sesión do ano das Nerd Nites SSCQ.
Esta ocasión, a partir das 21.30 horas no Café Casino de Santiago, intervirá a historiadora e socia fundadora da empresa Dehistoria, María del Pilar Rodríguez Suárez; o xefe de Sección do Servizo de Neuroloxía do CHUS, Manuel Arias Gómez; e o xornalista Germam Ermida Castro.