USC e Fundación Vodafone España asinan este mércores en Lugo un convenio e presentan a ‘D3mobile Metrology World League 2015’

O reitor da USC, Juan Viaño, e o director da Fundación Vodafone España, Santiago Moreno, asinarán este mércores 18 de febreiro, a partir das 12.30 horas, na sala de prensa da Vicerreitoría de Coordinación do Campus de Lugo, un convenio entre as dúas institucións para o desenvolvemento da ‘D3mobile Metrology World League 2015’, un campionato mundial de modelado 3D de precisión con teléfono móbil promovido polo grupo de investigación Uscan3D da Escola Politécnica Superior da USC e aberto á participación de estudantes de ensinanzas medias.

A sinatura deste convenio entre a USC e a Fundación Vodafone España será previa á presentación das novas que presenta a D3Mobile Metrology World League na edición de 2015, así como outras cuestións relativas ao desenvolvemento das distintas probas programadas ou aos premios cos que será agasallados os equipos gañadores. O reitor Juan Viaño presidirá a posta de largo da ‘D3Mobile Metrology World Leauge’ nunha sesión aberta ao público e na que, entre outros, tamén estará presente o director da Fundación Vodafone España. O director do Centro Español de Metroloxía do Ministerio de Industria, Enxería e Turismo, Fernando Ferrer Margalef; o director xeral de Formación Profesional e Innovación Educativa da Xunta de Galicia, Manuel Corredoira López; o deputado delegado das áreas de Cultura, Turismo, Educación e Normalización Lingüística da Deputación de Lugo, Mario Outeiro; o director da Escola Politécnica Superior, Tomás Cuesta García, e o director do proxecto, o profesor da USC Juan Ortiz, completan a relación de persoas que intervirán como relatores na sesión de presentación da ‘D3mobile 2015’, que tamén ser poderá seguir en directo vía web.