Comezou en Santiago o Cursos de Emprendemento e Liderado para mozos brasileiros

O reitor da Universidade, Juan Viaño presidiu na tarde do luns, día 4 de agosto, ás 20 horas, no Salón Nobre do Pazo de Fonseca (Santiago de Compostela) o acto de inauguración do Cursos de Emprendemento e Liderado para mozos brasileiros, no marco do programa Brasilia Sem Fronteira, que se desenvolverá, ao longo deste mes, en Santiago de Compostela, organizado por Cursos Internacionais da USC S.L.

Na inauguración deste curso participou tamén a directora de Turismo de Galicia, Nava Castro; o Secretario da Asesoría Internacional do Goberno de Brasilia, Odilon Frazao; o Conselleiro de Traballo de embaixada de España en Brasilia, Pablo Figueroa , e a xerenta de Cursos Internacionais da USC S.L., Lanzada Calatayud. O curso, de 160 horas, “estará centrado no Español aplicado ao mundo dos negocios e de Cultura empresarial de España e Hispanoamérica”.

O programa Brasilia Sem Fronteira, liderado pola Asesoría Internacional do Goberno Federal de Brasília, ten como obxectivo a formación de mozos para que desenvolvan a visión global, a capacidade de liderado e o comportamento emprendedor capaz de transformar positivamente o territorio no que viven e traballan.