A Universidade Estatal de Milagro de Ecuador e a USC estreitan lazos de colaboración

Unha delegación da Universidade Estatal de Milagro de Ecuador encabezada polo seu reitor, Fabricio Guevara Viejo, visitou este martes ao reitor Juan Viaño no seu despacho de San Xerome. Acompañábao a directora do Instituto de Posgrao, Rosa Pacheco. Aproveitando este encontro, os dous responsables universitarios asinaron un convenio de cooperación para promover o desenvolvemento da cultura e, en especial, da ensinanza superior de grao e posgrao e a investigación científica e tecnolóxica. A concreción destes acordos levarase a cabo a través de convenios específicos dirixidos a regular o intercambio e formación de estudantado e PDI, a colaboración en actividades de carácter académico ou a participación en publicacións e proxectos científicos.