A USC presenta este martes 23 a programación de actividades deportivas que ofrece no campus de Lugo

A vicerreitora de Servizos Universitarios do Campus de Lugo, Carme Silva Domínguez, presentará este martes, día 23 de setembro, a partir das 12.00 horas, na sala de prensa da Vicerreitoría de Coordinación do campus de Lugo, a programación das actividades deportivas ofertadas no campus de Lugo para o curso 2014-2015. O director do Servizo de Deportes da USC, Miguel Magán, e o responsable do servizo no campus de Lugo, Jesús Castro, tamén intervirán como relatores neste acto de presentación, durante o que darán conta das estatísticas de usuarios rexistradas o pasado curso, así como dos prazos de matrícula, prezos e calendario de actividades.