Presentación da oferta deportiva para este curso

A vicerreitora de Estudantes, Cultura e Responsabilidade Social, Dolores Álvarez Pérez, e o director da Área de Deportes da USC, Miguel Magán, presentarán o luns 15 a programación de actividades que a Universidade de Santiago desenvolverá este curso no terreo deportivo. A presentación desenvolverase na Sala de Prensa do Colexio de San Xerome a partir das 11.30 horas. No encontro cos medios de comunicación explicaranse as principais características desta oferta deportiva e as novidades máis destacadas, ademais de dar conta da semana de portas aberta que a Área de Deportes promoverá a partir do mesmo luns co obxecto de que as persoas interesadas podan coñecer as distintas propostas deportivas ao seu alcance ou a detalles sobre a demanda e uso das instalacións deportivas.