Un obradoiro na Igrexa da Universidade explorará as particularidades da música carnática

A música carnática e á música clásica do sur da India, caracterizada pola importancia que lle outorga á estrutura da canción e polo seu carácter teorético, con máis regras estritas que, por exemplo, a música clásica indostaní (a do norte do país). O contido das cancións da modalidade carnática é sempre relixioso, non sempre de loa, xa que o compositor tamén pode laiarse ou queixarse á deidade. Co obxecto de coñecer as particularidades deste estilo musical, a Área de Cultura da USC organizará a comezos de outubro, os días 2 e 3, un obradoiro dedicado á música carnática que impartirá Shantala Subramanyam quen tamén ofrecerá na Igrexa da Universidade un concerto. A artista estará acompañada por Akkarai S. Sornalatha ao violín e por Akshay Anantapadmanabha á percusión. As persoas interesadas en achegarse ás particularidades deste estilo musical deberán formalizar a inscrición no obradoiro dirixíndose á Area de Cultura da USC nos teléfonos 8818 11018 ou 8818 11020.