A Facultade de Veterinaria convoca estes premios a través da súa Comisión de Normalización Lingüística co fin de destacar os mellores traballos de fin de grao redactados e defendidos en galego dentro do Grao en Veterinaria ao longo do curso 2024-2025.
Ofrécense dous premios de 300 e 175 euros respectivamente aos dous traballos de fin de grao escritos e defendidos en galego, que se presenten á convocatoria que se abre ata o 30 de setembro de 2025.
Se titorizas un traballo de fin de grao nesta Facultade, ou es membro do tribunal que o avalía, gustaríanos pedirche algunhas cousas:
- Axúdanos a dar a coñecer este premio entre as persoas ás que lles poida interesar.
Ademais de promover o uso do galego, pon en valor a cultura da calidade, e recoñece o esforzo de elaborar traballos de fin de grao desde un enfoque integral que atenda tanto ao conceptual como ao formal.
- Anima ao alumnado ao que titorizas a elaborar o TFG en galego.
Destaca que facelo axuda a asentar competencias lingüísticas pouco desenvolvidas na maior parte do alumnado.
- Recoméndalles que se presenten ao concurso a aqueles/las que elaboren un TFG de calidade en galego.
- Colabora co estudantado que queira presentarse, cubríndolle a acreditación que precisa.
- Asesora o teu alumnado sobre aspectos formais e lingüísticos, e infórmaos da existencia de documentos e recursos de apoio, coma os que indicamos a continuación.
- Modelos para traballos de fin de grao
- Curso de habilidades comunicativas
(orientados á redacción e presentación oral de traballos académicos, TFG e TFM)
- Dicionarios de lingua en liña
- bUSCatermos: base de datos terminolóxica multilingüe
- Recursos terminolóxicos
(dicionarios, vocabularios e glosarios terminolóxicos galegos) - Criterios de redacción
- Manual de estilo
- Normas ortográficas e morfolóxicas
- Correctores ortográficos da lingua galega
- Tradutores automáticos
- Resolución de dúbidas